返回列表 回復 發帖

[討論] 黎智英「吹雞」啦!六四維園又搞事!

[討論] 黎智英「吹雞」啦!六四維園又搞事!

每年到呢個時候,支聯會都會喺維園搞燭光晚會,過去30年都可以話冇受過干預、影響。不過今年因為疫情關係,警方噚日發出咗反對通知書,即係話,如果有人仲要「堅持入維園」,隨時可能觸犯「限聚令」。

但黎智英頂硬上,今日《蘋果日報》有篇黎智英專訪,直頭講如果「反感國安法,要抗爭,六四係一個表達方式」。

係人都知集會不獲批,都仲想推人去犯法?!「吹雞」叫人「做嘢」?!

一直以嚟,黎智英煽動暴力「抗爭」,都離唔開兩個「定式」,一係扮被打壓、一係堆砌歪理。

今日呢篇專訪,又係呢套。

簡單而言,黎智英係想話俾人聽,如果中央訂立「港區國安法」(甚至如果有追溯效力嘅話),大家就「只能做自己覺得應該做嘅嘢」,呢個時候大家「有責任企起身,保護香港人嘅自由法治」;而搞集會就係一個方式,即係面對「政府打壓」,大家都可以「用自己嘅方式去克服困難」……,講到尾,就係用燭光集會做朵?叫人對抗中央、反對訂立「港區國安法」。

講咁多,搞集會只係表面功夫,弦外之音係煽動緊上街「搞事」。

但首先一個最直接嘅問題,依家疫情未過係事實,又有本地群組感染係事實,呢個時候,任何形式嘅聚眾活動,本身就有好大病毒傳播嘅風險,甚至可能違反限聚法例;再進一步,如果到時真係又有黑暴聽黎智英「隻笛」出嚟藉機搞事,仲隨時危及市民人身安全。黎智英你自己想搞政治係一回事,要「上街」大可自己去(这句她卡的没办法,不要了),唔好攞市民健康同安全嚟「較飛」!

香港的確亂夠了,香港人亦都受夠了。

新聞短片:訪客無法瀏覽此圖片或連結,請先註冊或登入會員

返回列表